Queridas familias de Andaina:
O grupo de animadores e animadoras de Ateibo poñémonos en contacto convosco para invitarvos a participar o SÁBADO, 29 DE MARZO na Xuntanza Autonómica dos grupos Andaina de Galicia, que terá lugar en Lugo, no noso Centro Xuvenil!
Con esta actividade, que se fai todos os anos, pretendemos que os nenos e nenas dos diferentes lugares teñan un día de convivencia e descubran que hai máis nenos e nenas que están na mesma agrupación en diferentes cidades e se coñezan de cara ao Campamento de Verán.
Así pois, como noutras ocasións, animámosvos a que invitedes aos/as vosos/as fillos/as a participar nesta actividade e que calquera dúbida ou cuestión que creades oportuno aclarar nola consultedes.
Estes son os datos xerais da Xuntanza:
- HORARIO: Sábado , 29 de marzo de 2025, de 11:00 a 18:00 h.
- LUGAR: Lugo
- TRAER: comida (cadaquén a súa), auga, roupa e calzado cómodo para camiñar, o pano, chuvasqueiro
- DATA LÍMITE DE INSCRICIÓN: sábado, 22 de marzo
Para a inscrición é preciso cubrir o formulario que se atopa no seguinte enlace.
Para calquera dúbida que teñades podedes falar cos/as coordinadores/as dos grupos, no número de teléfono 633 67 45 28 ou no correo electrónico: ateibo@cxateibo.org
Dado que esta semana imos a participar nas Xuntanzas, o VENRES, 28 de marzo, NON haberá actividade de Saltimbanquis nin Andaina.